Sipas OKB popullsia globale do arrije 10.9 mld brenda dekades
Sipas një raporti të ri të Kombeve të Bashkuara, popullsia globale mund të rritet me më shumë se tre miliardë njerëz para fundit të këtij shekulli.
OKB ka lëshuar perspektivat e saj dyvjeçare për normat e fertilitetit dhe ndryshimet e popullsisë në mbarë botën, duke vlerësuar se popullsia e përgjithshme do të rritet deri në 10.9 miliardë njerëz deri në vitin 2100.
Popullsia e botës aktualisht është rreth 7.7 miliardë. Parashikimet e fundit kombinojnë 1.690 regjistrime të popullsisë të kryera ndërmjet viteve 1950 dhe 2018, sipas raportit. Raporti gjithashtu përfshin informacion mbi lindjen dhe vdekjet nga 163 vende. Deri në vitin 2030, do të ketë rreth 8,5 miliard njerëz në botë.
Kjo do të rritet në 9.7 miliardë deri në vitin 2050 dhe 10.9 miliardë deri në vitin 2100, parashikon raporti. Shumica e kësaj rritjeje do të vijë nga vetëm një pjesë e vogël e vendeve. Sipas OKB, rritja e popullsisë më të madhe gjatë tre dekadave të ardhshme do të ndodhë në: India, Nigeria, Pakistani, Republika Demokratike e Kongos, Etiopia, Republika e Bashkuar e Tanzanisë, Indonezia, Egjipti dhe Shtetet e Bashkuara të Amerikës.
Në më pak se një dekadë, India pritet të kalojë Kinën për t'u bërë vendi më i populluar në botë. Disa vende të tjera, nga ana tjetër, do të përjetojnë një rënie të popullsisë, pasi numri i qytetarëve të moshuar është më i madh se normat e lindjeve. Popullsia e Kinës parashikohet të zvogëlohet me 31.4 milionë, ose 2.2 për qind, deri në vitin 2050.
Në këto rajone, popullsia mund të jetë 23 për qind më e vogël se ajo që është sot. Parashikimet sugjerojnë se do të ketë sfida në rritje për vendet në rritje dhe në rënie. Përveç çështjeve të urisë dhe kequshqyerjes, një popullsi në rritje do të ngarkojë më shumë peshë globale luftën kundër ndryshimeve klimatike.
